Жыхары Даніі практычна перасталі пісаць лісты. З пачатку XIX стагоддзя колькасць лістоў зменшылася на 90 працэнтаў.
Дзяржаўная паштовая служба Даніі PostNord у канцы 2025 года цалкам спыніць дастаўку лістоў, піша Бі-бі-сі.
Кампанія тлумачыць гэта тым, што датчане практычна перасталі пісаць лісты. З пачатку XXI стагоддзя колькасць адпраўленых лістоў скарацілася на 90% — з 1,4 мільярда да 110 мільёнаў у мінулым годзе.
Ужо летам пачнуць дэмантаваць паўтары тысячы паштовых скрынак па ўсёй краіне.
Дастаўка лістоў у Даніі пачалася ў 1624 годзе. На працягу 400 гадоў у краіне дзейнічала ўніверсальная паштовая служба.
PostNord засяродзіцца на дастаўцы пасылак. Паштовыя маркі, набытыя ў гэтым або мінулым годзе, можна будзе вярнуць у пошту на працягу бліжэйшага года.
Па словах кіраўніка PostNord Кіма Педэрсена, усё больш датчан пераходзяць на лічбавыя тэхналогіі.
Толькі за апошні год колькасць адпраўленых лістоў упала яшчэ на 30%.
Аднак каля 271 тысячы чалавек, пераважна пажылыя людзі, па-ранейшаму аддаюць перавагу папяровым лістам.
Скарачэнні закрануць і паштальёнаў: з 4600 супрацоўнікаў PostNord працу страцяць каля 1500 чалавек.
Бацькі дзяўчынкі, якой сабралі на лячэнне амаль 2 мільёны даляраў, вырашылі не рабіць уколу9
Каментары