«Pucin nie viedaŭ, što heta vyljecca ŭ takuju vajnu». Hałoŭnaje ź intervju Łukašenki
Tramp — «nievierahodny čałaviek», Pucin nie čakaŭ, što atrymajecca takaja vajna, Rasiju nie ŭdasca adarvać ad Kitaja, Łukašenka vitaŭ by sajuz ZŠA i Rasii — pra što jašče havaryŭ Alaksandr Łukašenka amierykanskamu błohieru Marya Naŭfała.
Pra «nievierahodnaha» Donalda Trampa i novuju administracyju ZŠA
«Nichto nie moh i padumać. Ale adzin čałaviek, jaki ryzyknuŭ heta zrabić, — Donald Tramp — vielmi chutka situacyju z hałavy na nohi pastaviŭ. Budziem spadziavacca».
«Paśla ŭsiaho, što było ŭ ZŠA, padtrymlivajučy Trampa publična, ja nie dumaŭ, što jon pieramoža. I kali jon pieramoh, ja adkryta skazaŭ, što jon jak buldozier prajšoŭ pa Złučanych Štatach Amieryki i pieramoh. Nievierahodna. Heta nievierahodny čałaviek. I adbyłosia nievierahodnaje. Toje, što jaho ledź nie zastrelili, jon maje racyju — napeŭna, Haspodź jaho vyratavaŭ. Ale kali heta Haspodź vyratavaŭ jaho, to jon ža dla niečaha jaho vyratavaŭ. I nie tolki mnohija na płaniecie našaj, ale i Haspodź taksama bačyć toje, što vy ciapier robicie ŭ ZŠA, i aceńvaje. I barani vas Haspodź, vy nie zrobicie toje, na što jon raźličvaje — Haspodź».
Pra zakryćcio USAID
«Małajčyna, što jon pačaŭ rabić reviziju. USAID [Ahienctva ZŠA pa mižnarodnym raźvićci] zakryli i hetak dalej. Čym jany zajmalisia? Jany finansavali pieravaroty ŭ krainach. Amal bolš za piać miljardaŭ — toje, što prosta viadoma pakul, było nakiravana va Ukrainu dla taho, kab učynić Majdan. Navošta? I my heta ŭ 2020 hodzie pieražyli. Naš miaciež unutry Biełarusi finansavaŭsia pa hetych krynicach».
Pra vajnu, jakuju nie čakaŭ Pucin, i mir užo ŭ hetym hodzie
«Mnie zdajecca, Pucin (my na hetu temu ź im nie razmaŭlali, ale ja ž jaho dobra viedaju) nie dumaŭ, što heta vyljecca ŭ takuju vajnu. U advarotnym vypadku jon nie pajšoŭ by na pierahavory. Kali jon ubačyŭ, što hinie vialikaja kolkaść ludziej, Pucin imhnienna pajšoŭ na pierahavory, kab kanflikt spynić, kab damovicca».
«Vybar jość zaŭsiody. I ŭ Pucina, mahčyma, byŭ taki vybar (pačynać vajnu ci nie. — Red.). Sprava navat nie stolki ŭ pašyreńni NATA na ŭschod, a sprava ŭ tych pahrozach, jakija stvaralisia va Ukrainie… Jon adtul bačyŭ pahrozy Rasii i adtul hetyja pahrozy publična pastupali ŭ jaho adras. Heta adna z samych važnych pryčyn taho, što adbyłosia».
«Ukraina vielmi małaja dla taho, kab razburyć toj śviet, u jakim my ŭsie žyviom — i ZŠA, i Kitaj, i Rasija, i Ukraina. Heta vielmi małaja ŭzryŭnaja siła. Tamu treba z Ukrainaj zakončyć. Ź Blizkim Uschodam praściej budzie zakončyć, kali amierykancy hetaha zachočuć. I mnie zdajecca, što ŭ hetym hodzie my hetyja prablemy vyrašym».
«Hatovy ŭstać pobač». Łukašenka «z aptymizmam hladzić» na antyvajennuju palityku Tramp
Pra niežadańnie być pasrednikam va ŭkrainskim pytańni
«Bolš za ŭsio ja nienavidžu pasrednictva. Heta značyć być pamiž kimści i rabić vyhlad, što ty štości tam možaš… Kali dzieści štości dapamahčy, arhanizavać, padšturchnuć niejki praces, kali heta ŭ maich siłach i ŭ siłach majoj dziaržavy, Biełarusi, — ź vialikim zadavalnieńniem. Ale tolki dla taho, kab było ludziam lepš. Ale ja ni ŭ jakim razie nie chacieŭ by być niejkim pasrednikam, asabliva pa narmalizacyi adnosin va Ukrainie».
Pra zachodnich miratvorcaŭ va Ukrainie
«Nakont nakiravańnia tudy [va Ukrainu] miratvorčych sił. Rasija nikoli z hetym nie pahodzicca. Prynamsi, takaja pazicyja Rasii na siońniašni dzień».
Pra palityku ZŠA da Kitaja — «treba damovicca»
«Što ja paraiŭ by Trampu: nie treba ni ź siaho ni z taho napadać na Kitaj. Z Kitajem vam treba damovicca. Ja viedaju vielmi dobra Kitaj. Na maich vačach Kitaj raźvivaŭsia. Vy Kitaj nie spynicie. Heta nie my, nie Rasija. Heta Kitaj. Tam narod zatočany, paŭtara miljarda čałaviek zatočany abaraniać da apošniaha Kitaj. Damoŭciesia z kitajcami. Heta budzie ŭ intaresach usioj płaniety».
Pra jednaść Rasii z Kitajem
«Chto abjadnaŭ Rasiju z Kitajem? Vy [ZŠA] ich šturchnuli ŭ abdymki. Kali ŭ mianie byŭ Bołtan i Pampiea, ja im adkryta zadaŭ pytańnie: što vy robicie? Navošta vy dajmajecie Rasiju? Vy Rasiju šturchajecie ŭ abdymki Kitaja. I kali takaja mahutnaja ŭ vajennych adnosinach jadziernaja dziaržava, roŭnaja ZŠA, abjadnajecca z takoj mahutnaj dziaržavaj, jakoj źjaŭlajecca Kitaj u ekanamičnych adnosinach, vy ničoha z hetym sajuzam, z hetym aljansam nie zrobicie».
«Kali vy budziecie naciskać na Rasiju, kab sapsavać adnosiny Rasii z Kitajem, heta ni da čaho nie pryviadzie. Naadvarot, heta pryviadzie da bolšaj jednaści hetych dziaržaŭ».
Pra sajuz pamiž ZŠA i Rasijaj
«ZŠA — heta pieršaja kraina ŭ śviecie, vysokatechnałahičnaja, bahataja. Jany zdolny na mnohaje. Heta ŭ Rasii razumiejuć. I Rasija budzie imknucca naładzić vielmi dobryja adnosiny sa Złučanymi Štatami Amieryki».
«Dla taho, kab płanieta była ŭ raŭnavazie, kab nie było voś hetych niezrazumiełych vojnaŭ, jak na Blizkim Uschodzie abo va Ukrainie, kanfliktaŭ kab nie było, sajuz Rasii i Złučanych Štataŭ mahčymy i vielmi važny. Sajuz dla ekanamičnaha raźvićcia. Jon mahčymy i važny. Heta budzie na pierśpiektyvu».
Baćki dziaŭčynki, jakoj sabrali na lačeńnie amal 2 miljony dalaraŭ, vyrašyli nie rabić ukołu9
Kamientary
Nie tieš siebia illuzijami—i na tiebie tožie krov́ ukrainciev. Tvoj tochmatyš hovorił—my popadiem v Raj,a ostalnyje sdochnut. A,možiet,vsie naoborot,a? Nievinnyje ukrainskije ubityje dieti,kotorych užie počti vosieḿsot,v Raj popadut,a vy so svojej ordynskoj molju sdochnietie?