Machlary vypraboŭvajuć absalutna novy i inavacyjny sposab vymańvańnia hrošaj
Heta śpisańnie srodkaŭ praz prykładvańnie kartki da smartfona.
Machlary telefanujuć achviary, pradstaŭlajucca supracoŭnikami banka abo inšaj kredytnaj arhanizacyi i pad roznymi padstavami ŭhavorvajuć ustalavać fejkavy bankaŭski dadatak, paviedamlaje telehram-kanał «Obratnaja storona».
Hety dadatak maje nazvu i łahatyp realnaha banka, što nie vyklikaje padazreńniaŭ.
Paśla zapusku dadatak prosić dla ŭvachodu prykłaści bankaŭskuju kartku da zadniaj paneli telefona i ŭvieści PIN-kod.
Nieaściarožnaja achviara prykładvaje kartku, i ŭsie danyja pieradajucca na telefon machlara.
U hety čas złamyśnik znachodzicca kala bankamatu i praz svoj smartfon zdymaje hrošy z kartki paciarpiełaha.
U milicyi prosiać nie ŭstaloŭvać bankaŭskija dadatki pa spasyłkach z SMS, miesiendžaraŭ abo zvankoŭ! Zahružajcie tolki z aficyjnych kram (Google Play, App Store).
Nie prykładajcie kartku da telefona pa patrabavańni nieznajomych prahram i nie pieradavajcie PIN-kod nikomu, navat kali vam kažuć, što heta nieabchodna dla biaśpieki.
Taksama varta praviarać sapraŭdnaść zvankoŭ ad «banka» — samastojna pieratelefanavać u finansavuju ŭstanovu pa aficyjnym numary.
Kali padazrajecie machlarstva, terminova źviažyciesia z bankam i zabłakujcie kartku!
Baćki dziaŭčynki, jakoj sabrali na lačeńnie amal 2 miljony dalaraŭ, vyrašyli nie rabić ukołu9
Kamientary